De momento atopámonos cos seguintes relatos:
A Pastora: Suponse que se poida tratar dalgún planeta brillante coma Venus cando aparece polo oeste á atardecida, ou mesmo Xúpiter, tamén podería ser algún outro astro moi brillante coma a estrela Sirio que sería o seguinte corpo celeste en intensidade. O nome semella referirse ao feito de que cando aparecía esta estrela soa no ceo era a hora de recoller o gando. Podería tratarse da mesma estrela que se coñece co outro nome de A Panadera, ambas designacións fóronnos ditas pola mesma veciña da Pena do Souto no concello do Riós
O Carro: Conxunto de estrelas que tamén se lle chama Carro dentro da astronomía convencional, aínda que este nome que atopamos refírese á súa semellanza cos carros de vacas ou bois do país. A súa situación no ceo está ubicada dentro da constelación da Osa Maior. Contárronnos que lles servía para coñeceren o tempo nocturno transcurrido, dependendo da súa posición no ceo, en especial útil cando ían a acancelar, actividade consistente en ir pechar o gando pola noite dentro dunhas leiras para que abonaran o chao. Cando facían esta labor durmían nuns refuxios denominados carrozas que se facían con táboas, paos e palla a modo de tipi ou tenda de campismo e transportábanse no alto dos carros para ir dunha leira a outra. Esta narración foi recollida na zona de San Cibrao, concello de Oímbra
O Arado: Esta é outra designación por similitude para O Carro na Osa Maior. Dicíannos que mesmo se lle vía o temon do arado e as rellas. Recollido na Pena do Souto
O Luceiro da Mañá: Refírese ao planeta Venus cando é visible de mañá polo leste ao ser o astro máis luminoso. Recolleuse o mesmo nome nos concellos do Riós e Oímbra
As Tres Marías: Fai referenza ás tres estrelas que compoñen o Cinturón de Orión. Cantáronnos unha cantiga que dice así:
Alá van as Tres Marías
de noite polo lunar
en busca de Jesucristo
queno puidera encontrar
A Lúa: É sabido a crenza da influenza da Lúa nas distintas tarefas do campo e de certos aspectos da vida das persoas. No concello do Riós recollimos o testimonio dunha veciña dicindo que había que facer as sementeiras coa lúa chea para que os vexetais non se saíran, e que había que recoller na mesma lúa coa que se sementaba. Contounos que coa lúa chea as persoas póñense nervosas e alteradas, ademais de que inflúe na hora do parto das mulleres embarazadas, e tamén no gando
![](https://blogger.googleusercontent.com/img/b/R29vZ2xl/AVvXsEg2jK5z7bZhVRjfC4sW3YzOzpA6z1ZVXqWkOpZmk7NQ_1zGhyphenhyphenvetkqMfIIlJ47BIVCBABKJcTO4Qepfksu5Bp6AooRqNA1SiUV7n38hqJMZrYh56xptoc3WrVmsPmf7hy8Uj7kORmGyR5w/s400/DSCF5923.jpg)
![](https://blogger.googleusercontent.com/img/b/R29vZ2xl/AVvXsEjXZKcylpIQvgIGcIQgUGa0fj6VpYAZV8W3B8n8m5i_SRqk5R2mo6FjE57_D5FbHKOokPPET3vmN-Ppat0UbZH8iWxNOLJZf4g7fIr-jMzCRBLpFyUYK24gjGGayWoGBTzxPxQn-ap32-Y/s400/DSCF5434_osamaior.jpg)
![](https://blogger.googleusercontent.com/img/b/R29vZ2xl/AVvXsEjWrBeA5eFeOIBc7n0L6lyuc74rOQNdS-l1NfS7HZ5LpMnoxd-KOpYFkKKzu58Uv_KSy9eRz4VQniis866V3MhUziWCg38lC_BGpJmRlF8C-f22ASYigYKd6hKsevZGdZdx_DMGwGh2PGM/s400/DSCF5437_galaxiaandr%25C3%25B3meda.jpg)
![](https://blogger.googleusercontent.com/img/b/R29vZ2xl/AVvXsEidAS-A0_w9S1BnDCfyJwJMcy5_mj1jw2-o6bOLzehhikk8nwb1LlXXdGTbprgR98XqR7xQ-7EoEhJP4OYi5sDhiGpYC2LEfN3ojr8qwlpV6nC0bywP9gbkPVXKSVO9aKiZJ6lDUdne5E0/s400/Estrela-Polar.jpg)
Segundo a nosa interpretación, e en simpleza especulando, queremos intuír que algunhas gravuras rupestres do tipo coviñas poderían coincidir co deseño de determinadas constelacións
![](https://blogger.googleusercontent.com/img/b/R29vZ2xl/AVvXsEjZ2Qq9_u7lqeqA2OF8wgzFg550ldaWPe3Mw_KrvUKGOGkDwWskjR-In7gLjnbV6zraIyBlWS_Ka-50GpD0gZ2BuUa-s6wBqV7PfgGhh0kzx2wOoKDvb8Y_83WORyaA0dgeRgAVqedqPuM/s400/DSC_3551.jpg)
![](https://blogger.googleusercontent.com/img/b/R29vZ2xl/AVvXsEgBVcIB_Dpdg8VpGyuVM2GZgLcq6kbsUrRw81Lr6letAdQalbZDPKsF-lupw6PdiWNeMK8Nlz27ypPeSmyJNL7HgNGZKCvhZkrD3Puqd7-EcaITr-j-JM2H0yxpAN6cKaQnXgIhlGQbAbM/s400/DSC_3554.jpg)
Petroglifos na comarca, Coviñas descubertas por casualidade nos arredores do Castro Vamba. Os veciños das aldeas próximas non coñecían o significado destes penedos, en dous deles dicían xogaren os nenos enriba ao estar ambos no medío duns pradiños, o outro éralles descoñecido e non se lle tiña ningún topónimo específico que o referenciara. O máis probable é que estexan sen catalogar
Continuaremos coa pescuda...