![](https://blogger.googleusercontent.com/img/b/R29vZ2xl/AVvXsEiMVEqMwrv68yLe6vEglf7NnGK8105WLnomw5O2ySSgXHDyp9W_gbG61VPDcrKAPo-EcZfWZTVC_HYiTVXh1R3sVogT3DA9d9mONEy3HIeVbOOCFPXYnI9kpp5tkvHQBWPMO7W20b-xA3Y/s400/2012-04-08+11.37.54.jpg)
![](https://blogger.googleusercontent.com/img/b/R29vZ2xl/AVvXsEhPiGagkekfnXbuder_zz_F_zhzW9s9NdBNHNqYgB5SnvV8gha9_OmOSgGdi14_rPxKzSUzrNQ2Crws_FpH24YrEmRaKyDdYysB61vvJ0e0YEBxPOkm9u8_z9X2Lha1ctWxMgyCx6hdzDU/s400/2012-04-08+11.38.06.jpg)
Esta é unha interesante e típica imaxe primaveral das zonas soalleiras do río Támega. Trátase da intensa floración dos Ranúnculos acuáticos ou Ougas, Ranunculus penicillatus. Estas plantas medran en augas con corrente. A súa proliferación débese a unha defensa que ten o río ao retirárselle as árbores de ribeira. Son beneficiosas para o medio ripícola ao dar sombra ao cauce e minimizar a evaporación, osixenan a auga e absorben o exceso de nutrintes, aliás de albergar unha elevada diversidade de Fauna acuática beneficiosa e capaz de sustentar a moitas especies ligadas ao ecosistema fluvial. Como último dicir que esta paisaxe do río Támega ao paso por Verín é todo un espectáculo visual.