Cantas Papuxas das amoras haberá en Verín ?

A Papuxa das amoras, Sylvia atricapilla, é unha das aves que ocupan o espazo urbano sempre que haxa árbores mestas nas que gorecerse.

Detéctanse ben polo seu canto ou polo seu reclamo.

Dando unha volta polas rúas de Verín descubríronse varios territorios, uns once machos cantando nun percorriodo de aproximadamente un quilómetro, levando a pensarse cantos exemplares haberá no interior da vila.

De certo que varias decenas e mesmo até centos entre machos adultos, femias adultas e xuvenís.