Nomes vernáculos e outras curiosidades de paxaros de Oímbra

Hoxe estivemos recollendo uns nomes vernáculos e outras curiosidades de paxaros do pobo de Oímbra grazas a Paco. É o seguinte:

Alcumes con nomes de paxaros postos a persoas ou familias ás que se lles daban os atributos das diferentes especies:

Os Rolos, da rola, Streptopelia turtur

Os cucos, do cuco, Cuculus canorus

Os Chascos, do chasco, Saxicola rubicola

Os Calamouchos, do moucho, Athene noctua

O Chinco, do chinco, Fringilla coelebs

Nomes vernáculos de paxaros:

Verdeirol, Chloris chloris

Rubidoira, Certhia brachydactyla

Noitevoal, Caprimulgus europaeus

Papafigos, Oriolus oriolus

Gaio, Garrulus glandarius

Picapau, Dendrocopos major

Peto verdeal, Picus sharpei

Paporrubio, Erithacus rubecula

Letreira, Emberiza cirlus, E. spp.

Nabiñeiro, Serinus serinus

Cutuvía, cutuluvía, Lullula arborea

Laverca, Alauda arvensis

Pita d'auga, Tachybaptus ruficollis, "andaba na auga nadando coma os patos e somerxíase á mínima presenza humana, era moi pequeno, omacho era máis colorido, facia o nino entre as xungueiras e tiña uns ovos moi pequenos, había moitos no Morouco e víanse ao ir regar, hoxe xa non"

Pita d'auga, Tachybaptus ruficollis

Cotorniza, Coturnix coturnix

Curuxa, Tyto alba, Strix aluco

Vencellos, Apus apus

Anduriña, Hirundo rustica, Delichon urbicum

Zootoponimia:

A Bufeira, no Rosal, do bufo, Bubo bubo

Contos sobre paxaros:

Os vellos de Oímbra dicían que a cotorniza era "o páxaro dos anamorados" porque cando cantaba dicía:

"palpa-lá--palpa-lá---palpa-lá"

Muitísimo obrigado, Paco, por todo isto e por muito máis que nos contaches. Un pracer escoitar!