Limpeza dunha charca na zona húmida no Morouco

Hoxe realizábase unha limpeza simultánea de zonas húmidas enmarcada no Proxecto Ríos. Un pequeno grupo fumos nun momento pola nosa conta a limpar unha pequena charca nunha zona húmida, no Mourouco-A Lagoa-Regato do Pontón, entre O Rosal e Oímbra, para contribuírmos un mínimo co volumtariado ambiental.

Decidimos este lugar porque viramos estes días atrás a necesidade de se limpar de lixo, onde maiormente había plásticos agrícolas e envases domésticos, e por ser unha zona inundable con charcas, temporais e permanentes, para reprodución de anfibios, por exemplo, entre muitos outros beneficios para o medio.

A continuar poremos unha breve reportaxe fotográfica, para divulgación e concienciación, na que se verá esta breve laboura e outras curcunstancias.

Charca en bastante bo estado de conservación, con presenza de lentellas acuáticas, Lemna minor, e anfibios, Rá verde, Pelophylax perezi.

Charca estacional antes de intervir.

Limpeza

Lixo retirado

Charca estacional despois da recolla do lixo.

Depósito do lixo.

Río Támega, con vertedura de augas residuais, ao seu paso pola área de lecer da Ponte de Oímbra.

Área de lecer da Ponte de Oímbra.

Río Támega, seco, ao seu paso pola Ponte de Pazos, augas arriba.

Río Támega, seco, ao seu paso pola Ponte de Pazos, augas abaixo, onde tamén se realizara unha pequena limpeza selectiva estes días atrás.

Un saúdo e moitas grazas a@s voluntari@s e a tod@s vós polo interese 🙏