A contiuar vaise poñer un relatorio das especies vistas, ouvidas ou detectadas dentro do programa Aldearmos organizado pola Rede Aldear e que se celebrou na Casa Terra Alma das Eiras, Laza, este pasado sábado día 4 de marzo, incluíndo unha roteciña-paseio de observación de aves. Eis cá:
Pola mañá había unha boa cantidade de especies de aves, a maioría eran especies forestais por ser este o hábitat principal dominante, mesmo faltaron algunhas especies de hábitats humanos rurais, por exemplo faltou vérense ou ouvírense pardais, estorniños, lavandeiras pegas ou corvelos, nada, e é estrano, non coincidiría.
Por certo, que non se detectaran por unha persoa non quere dicir que non as houbese ou que non as poidesen detectar outras persoas, se tal fose sería bon decírendelo, grazas.
Nada máis chegar ouvíanse nunha ladeira sur de soutos de frondosas con castiñeiros predominantes e pradaría por baixo, un Peto picapau, Dendrocopos major, un macho tamborilando. Durante a xornada botouse en falta non ouvir o peto verdello, estrano por ser o hábitat moi axeitado.
Ferreiriño real, Parus Major, realtivamente abvndoso.
Picafollas, Phylloscopus sp., poida que o P. collybita, sen se asegurar.
Gabeador común, Certhia brachydactiyla, varios ao longo da xornada.
Durante a saída de plantas ouvíanse uns gaios, Garrulus galndarius.
Trepadeira azul, Sitta europaea, mesmo estivo a cantar e deixouse ver mentres había unha exposición dunha palestra no xardín da casa.
Mesmo pasaron en voo e chiando, durante esta palestra, unha parella de buxatos, Buteo buteo.
 |
| As fotos e os debuxos non se corresponde coas da xornada. |
Paporroibo, Erithacus rubecula, omnipresentes.
Pimpín, Fringilla coelebs, varios.
Papuxa das amoras, Sylvia atricapilla.
Merlas, Turdus merula, lóxico.
 |
| Esta merla con branco na cabeza fóra unha con leucismo que vira vai xa un tempo. |
Nas conversas faláronos de noutras datas haberen visto e ouvido na aldeia á avelaiona, Strix aluco, lóxico ao se ver a zona do redor de bosque planifolio.
Nunhas escaleiras ao sol víuse unha lagartiña dos penedos, Podarcis lusitanica, oúnico hérpeto detectado na xornada.
Na roteciña-paseio da tarde non se detectou grande cousa, había pouco movemento e as condicións non eran as axeitadas, a paisaxe impresionante iso si, tampouco se detectaban invertebrados, se callar por non ir atentos a eles, mais en todo caso non eran notorios.
Botáronse moi en falta as especies de matogueira do tipo das papuxas montesas ou escribentas riscadas, nen sequera un só chasco común, si se detectou algunha azulenta, Prunella modularis.
Polo camiño atopouse unha pena de periz rubia, Alectoris rufa, non se viron espoxadeiros.
Púidose ver de perto á perfección unha femia de rairrubio común, Phoenicurus ochruros, fóra dos seus pousadoiros e hábitat habitual, estaba subida a unha galla seca nunha zona de piñeiros devasada e son de rochedos e hábitats antrópicos.
 |
| Esta é a modo de exemplo, non era esta. |
Polas condicións de térmicas víronse por diferentes integrantes do grupo acho que tres rapinas diúrnas, todas foran da mesma especie, buxato, Buteo buteo.
Páridos a vontade, a maioría eran o ferreiriño real, Parus major, aínda que tamén había ferreiriño negro, Periparus ater, fóra destes tamén algún ferreiriño rabilongo, Aegithalos caudatus.
Ouvíronse unhas estreliñas riscadas, Regullus ignicapilllus, a especie de aves máis pequena da Europa.
Pombos, Columba palumbus.
Á noitiña xa había lago máis de movemnto de víronse ferreiriños azuis, Cyanistes caeruleus; Picafollas, Phylloscopus sp.; Ferreiriño real, Parus major; paporroibo, Erithacus rubecula; tordo músico, Turdus phylomelos; gabeador común, Certhia brachydactyla; trepadeira azul, Sitta europaea; carriza, Troglodytes troglodytes.
Xa no luscofusco víronse a voar uns tres ou máis morcegos, quirópteros en xeral, a saber especie.
Tampouco se detectou ningunha das típicas especies estivais, anduriñas, vencellos, bubela, cuco e así deses.
Víronse rastros de lobo, Canis lupus, uns eran claramente de lobo, outras pegadas só eran posibles ou mais ben probables, logo uns dexectos de menor tamaño mais con semellanzas do tipo escuros, con pelo e ósos, apontados, que serían de cánido, por exclusión só nos fica a raposa, Vulpes vulpes, que posúen unha dieta variada. Logo outros dexectos dos que non se fai idea, non semellaban de mustelídeos.
 |
| A imaxe é a moido de exemplo, non se corresponde co observado neste día. |
En xeral non se detectou moito, as condicións non eran as mellores, a primavera aínda non está avanzada, estábase tamén a atender a algunhas outras cousas, e algunha outra circunstancia.
Se callar noutro post poranse as especies de flora que se viron no entorno da casa.
Se vos lembrades dalgo que vistes ou ouvistes agradécese que se diga para adxuntalo, grazas, un saúdo e até.
Ningún comentario:
Publicar un comentario