Un chisco de outono polo Támega

Atlas das aves invernantes e migadoras de Portugal 2012-2013

Xa está dispoñible no seguinte enlace o Atlas das aves invernantes e migradoras de Portugal 2012-2013, no cal se participou polas zonas de Vilarelho-da-Raia, Vilela-Seca, Cambedo, São-Caetano, Couto-de-Ervededo:

https://drive.google.com/file/d/1GWtCuNlW2qBIHGbYX8fS8Ea4aAd-Q3hz/view

Unhas imaxes do río no verán

 

 

Unha nova especie para a parte galega do Támega

Non todo van ser malas noticias. Onte descubriuse unha especie que non estaba citada na parte galega do río Támega, trátase do Sapoconcho estriado, Mauremys leprosa, si que estaba citada na parte portuguesa, na Veiga de Chaves, polo que si que se esperaba que acabara aparecendo.

A descuberta foi feita por Pepa González, de Videferre, uhna boa amiga interesada nestes temas naturais e con boa mao para Flora e Fauna. Obrigado por esta grata sorpresa.



Fotografía de Pepa González

A identificación correcta ocorreu da axuda de herpetólogos coma César Ayres e Martiño Cabana. As coordenadas desta cita pasaranse para súa inlcusión no Atlas e Libro Vermello dos Anfibios e Réptiles de Galicia e para o Atlas dos Anfibibios e Réptiles de Galicia da Sociedade Galega de Historia Natural.

A continuar vanse poñer unhas imaxes das dúas especies de sapoconchos presentes no río Támega, a primeira é a deste Sapoconcho estriado e a segunda do Sapoconcho común para vérense as diferenzas en comparación, son estas:


Sapoconcho estriado, Mauremys leprosa

Sapoconcho común, Emys orbicularis

Outra localización de Gluvia dorsalis

Máis una nova localización (?) do Solífugo, Gluvia dorsalis, na bisbarra de Monterrei, un arácnido propio de zonas áridas só na Península Ibérica e con presenza en poucas localidades de Galicia.

 

 

Nada menos que unha Gaivota de Audouin na praia fluvial do Támega

Nestes últimos días ten andado pola praia fluvial do Támega en Verín nada menos que un xuvenil dunha Gaivota de Audouin, Ichthyaetus hudouinii, de presenza moi rara e accidental en Galicia.

 

Segundo a Guía das Aves de Galicia cría local nas costas mediterráneas, principalmente nas españolas, con movementos dispersivos e migración parcial ao longo de todo o Mediterráneo e costas noroccidentais de África.

 

A observación e identificación foi realizada por Xurxo Piñeiro e subida a web especilaizada ttps://www.reservoirbirds.com/. Obrigado por tan interesante aportación.