martes, 9 de xullo de 2019

Cousas de páxaros en Verín

A continuar imos por unha serie de nomes vernáculos e cousas sobre páxaros recollidas a Toño Prieto 'Toné', de máis de 70 anos de idade, veciño e natural de Verín.

Primeiro hai que dicir que na bisbarra de Monterrei non se di 'paxaro' ou 'niño', dise 'páxaro' e 'nino'.

Isto é o que nos contou:

Labradeira, nome para designar a Motacilla alba por andar cando a xente estaba a labrar a terra.
"Moitas teñen as patas mutiladas porque tratan de collelas as Truitas cando andan nas xougas do río e córtanlle os dedos".
Labradeira

Avión, Oriolus oriolus

Bubela, Upupa epops

Cuco, Cuculus canorus
"É o primeiro páxaro que canta".
"A Lamprea boa non debe estar cucada", referíndose a que nos meses que canta o cuco non son boas as Lampreas.

Pigardo, Garrulus glandarius

Ruseñol, Luscinia megarhynchos
"Si se colle e se mete nunha xaula suicídase, había que porlle un pañuelo para que non se tiraran ás paredes".

Xílgaro, Carduelis carduelis
"Os Cardos son o alimento máis rico que teñen os páxaros cantores".

Verderol, Chloris chloris

Pardal, Passer domesticus
"Están a mutar, antes eran regordetes, agora son máis pequenos".

Vencello, Apus apus
"Non fan niños, buscan buratos; é un depredador; teñen garras e pico grandes".

Anduriña, Delichon urbicum, Hirundo rustica
"Non se deben tirar os ninos".

Muito obrigado.

Ningún comentario: