O venres 16 de outubro de 2020 estivemos recollendo nomes vernáculos de Fauna na aldea de Camba, do concello de Laza, xunto co antropólogo Bruno Rúa.
Isto é o que recollemos:
Aves:
Azuliña, Prunella modularis
Perdiz, Alectoris rufa
Ghaio, Garrulus glandariius
Corvo, Corvus corone, Corvus corax
Choia, Pyrrhocorax pyrrhocorax
Pega, Pica pica
Cuco, Cuculus canorus
Bubela, Upupa epops
Laverca, Alauda arvensis
Merla, Turdus merula
Avefría, Vanellus vanellus
Pombo, Columba palumbus
Carriza, Troglodytes troglodytes
San Martiño, Alcedo atthis, tamén chamado Martiño peixeiro
Pardao, Passer domesticus
Peneireira, Falco tinnunculus
Miota, Ághilas en xeral, Accipritidae
Ghaliñola, Scolopax rusticola, andaba nas carballeiras, tamén a chamaron Chocha
Moucho, Athene noctua
Curuxa, Tyto alba
Vencello, Apus apus
Pica pao, Picus sharpei, Dendrocopos major (?), tamén lle chamaron Pito rei
Lavandeira, Motacilla alba
Paporrubio, Erithacus rubecula
Tordo, turdus philomelos, T. viscivorus, T. iliacus, T. pilaris, había dúas especies que se vían en bandos polo inverno
Chuchurughillo, dixéronnos que podía ser Fringilla coelebs (?), cría na primavera, tamaño pardao, castaño, peito cincento, parte azul enriba do bico
Escribaneta, Emberiza cirlus, Emberiza spp.
Pedreiro, Phoenicurus ochruros
Pintasilva, Carduelis carduelis, tamén lle chamaron Ghilguero en castelán
Ghabilán, Accipiter nisus, Accipitridae
Estornino, Sturnus unicolor
Noitevoá, Caprimulgus europaeus
Verderol, Chloris chloris
Perdiz charrela, Perdix perdix
Buitre, Gyps fulvus, Aegypius monachus, (en castelán)
Mamíferos:
Muricegho, Quirópteros
Réptiles:
Escáncer, Anguis fragilis, dicían así: "si o escáncer vira e o lo albentara non habría cousa que se lograra"
Insectos:
Cadela faldrexa, Dermápteros
Fedeghosa, Nezara viridula
Patasol, Coccinella septempunctata
Moitas grazas aos informantes.
Ningún comentario:
Publicar un comentario